高鈣奶

今日我想講個大學時期聽教授講的一個故事
好多年前，人類對健康的知識有限的時代
有間公司想推出一種新的產品叫 “高鈣奶”
高鈣奶而家大家就好了解係咩
但當時只有牛奶的年代，將牛奶加鈣市場究竟受唔受落呢？
嚮佢未推出呢件產品之前，佢決定做市場調查
嚮街度問路人，如果我地嚮奶中加一種叫鈣的物質入去，
然後加1成的價錢，您會唔會買？
路人的反應係︰您將D雜質加落奶，送俾我都唔飲，
仲加我價？
市場調查結果係高鈣奶的推出，結果必然係徹底失敗
但當時想推出呢種新產品的老闆力排眾議
佢認為只要大眾對鈣的科學知識提高，呢種產品一定會成功
終於結果係咩大家都知，而家大多數奶都係高鈣低脂
如果有支高脂低鈣相信送俾大家都唔會飲
我想講好多時一件事唔知發唔發生到，
好多時我地都會想問下身邊的人的意見
而身邊的人的意見於歷史上經常都係老點
要推出一件成功的產品，
往往最重要的元素都唔係市場的第一個印象
往往都係推行的人有無堅持自己的信念行落去
我記得我同牛牛兩年前推呢個平台的時間
各大討論區都係有以下的評價︰
“相信佢都係攪 gimmick，睇下佢幾時翻去補習社教”
“佢個理念係好，但香港地，呢種平台好難生存”
“學生始終都係會跟傳統補習，
無咩人會花時間睇呢種平台”
普遍的呼聲都係唔睇好
兩年過後，我地連埋未放的片超過10000條
觀看時間超過3200萬分鐘，如果以75分鐘x4堂=$500學費
我地生產左的經濟價值已經超過 5000 萬
(當然我地收的係少好多好多，
呢個亦係令部分補習從業員對轉型卻步的理由)
我想講，大家讀緊DSE，
難免亦會有好多人話您知，您讀都唔會掂
亦有可能好似我中五咁，學校評我英文係穩U
但唔好相信呢堆所謂的客觀預測
如果人人都相信呢種客觀預測
呢個世界就唔會有高鈣低脂奶、亦唔會有我地的平台，
更唔會有未來有成就的您，大家加油﹗﹗

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄

吉祥物

以前做學生的時間，要送禮物俾長輩係一件好頭痛的事
要買到唔太貴又不失霸氣，
我地好多時會買 P 字頭或者 C 字頭的筆
呢D筆，百幾至幾千都有，我地做學生梅梅地梗係百幾果隻
但要多一份心思就可以刻埋對方個名落去
我記得中學時，我同阿珊好鍾意去一間文具店買
因為個老闆可以免費同我地刻名，仲要係徒手刻
佢開一個粗螺絲批少少的工具，插電就可以刻
佢手字就係無得頂，徒手就能刻出華康秀風體的效果
我同阿珊先後幫襯佢好多支
但記得有一次多年無去再去買的時間
老闆唔肯再幫我刻，我地話點解呀，您手字咁靚
佢話佢老左未必刻到，我同阿珊再三請求後
老闆終於出手，但可能真係老了，失左手
但個老闆最後都好好人，刻衰左果支無收我地錢
俾左另一支新我地
當時仲係學生的我地真係好感謝個老細
俾多百幾蚊唔係話俾唔起，但學生時代真係會好肉痛
果次之後，我地就無再買筆做禮物
好多年之後，我地出黎做補習時，
想做一批精品送俾學生
諗起當時呢種的禮物，所以做左一批刻有 HY logo 的筆出黎
希望同學收到可以用到著之餘，亦可以當係一種吉祥物
嚮我地細個的時間，連 call 機都唔流行的時代
身上最貴的當然唔係 iphone，
好多時最貴的就係一支 P 字頭的筆
所以我地對佢會特別珍惜，
您可以唔見一百舊擦膠都唔可以唔見佢
因為佢的價值就係一百舊擦膠
所以我地慢慢會當佢係吉祥物
我兩次的公開試、大學的 interview 都會帶住一支 P 字頭的筆
覺得佢會帶黎好運，
但當然，最鋒利的刀都會有唔見的一日
大學時期唔見左支筆之後就無左呢個習慣
所以我地做呢支 HY 筆的時間，
都希望可以為我地的學生帶黎好運啦

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄

數學 Core 天書 C - Question 003 之 Method 2

Busy hands are happy hands

今日玩呢隻 game 見到呢句 : 
 Busy hands are happy hands 
心諗係咪老作，之後走去 search 下 
原來真係有呢句諺語 
佢大約的意思係忙完會帶來快樂 或者咁講，
好多人於懶完之後會產生罪咎感 
所以 busy = happy 但事又講翻轉頭，
近年都有好多人講唔少呢個時代的人 
變左一種叫做窮忙族，呢班人每天都好忙， 
但長期都係得個忙字，又好似無咩收獲 
變相又有一個論調係勤力好似無咩回報咁 
咁究竟忙是否會快樂呢？ 就呢個問題，
我最近睇緊一本書有講到 
呢本就係上次直播阿珊話俾佢果句 
“時間先係最重要的資本” 吸引左去買果本 
佢講的係工作係要，但要懂得槓桿式工作 
大約的意思係做係要做，但要有高回報咁做 
裡面提左好多個論點 我有 d 唔係好同意 
但某些論點我覺得講得幾好 
其中一個係叫 80 20 法則 
80 20 法則大約的意思係 
我地可以用 80% 20% 去解釋到好多的現象 
例如 80% 的財富於 20% 的有錢人手中 
但佢講一樣野我覺得好啱 佢話要成功做到一樣野 
往往您用 80% 的時間先可以完成到 20% 的進度 
但最後 20% 的時間，您會以高速完成埋餘下 80% 的進度 
正如中國人都有一句︰
萬事起頭難 但書中提到，往往人類嚮用左 80% 時間的時候 
開始漸入佳境，速度大大提高之際 
佢地會因為花左咁多時間而沒有多大的進展而放棄 
繼而再去找另一個目標 
再於新項目中重回 0% 至 80% 的路 
周而復始，永遠都係得個捱字，
變成窮忙族 我覺得好有道理之餘 
亦都係道出好多同學的寫照 
好多人用左 80% 去學一科之後 drop 科 
好多人用左 80% 去適應大學生活而 quit u 
好多人用左 80% 去讀 core 而放棄，最後得到較低的成績 
但如果大家再堅持 可能好事就會來臨 
轉黎轉去只要徒勞無功 
所以我覺得 busy hand 未必等如 happy hand 但 
堅持 hand 先係 happy hand 大家加油，
即使路途中未見曙光，只要再堅持多一陣子，好事自然來。

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄

Quick Search Tangent Proof ----------- by 陳禮文 同學

Pure Maths 再現系列 --------- 討論區

2017 年 4 月 24 日 忽發奇想
將舊制 A-level 的 Pure Maths Regular 重新拍攝出黎
估唔到引起唔少同學討論有關內容
而討論的範疇
亦由片中的內容擴展到超出 Pure Maths 程度的內容
我地希望將相關的討論集中放出黎
大家可以從中學得更多

1. Quick Search Tangent Proof -----------   by 陳禮文 同學

好書‧靴推介 - 漫畫貫通世界史 金相勳 著

呢幾日睇左呢本一年前買的書
幾好睇，佢由 Lucy 講到西元1年
當中世界不同地區的歷史
歐洲、非洲、中國、印度、古巴比倫、羅馬、韓國、日本好多個地方的歷史都有講到
對於我唔係太熟世界歷史的人黎講
我知多好多歷史故仔，但D人物名真係記唔到
尤其歐洲果邊D名，我明明記得某某死左，
但後幾版，佢又出現翻，我心諗係穿越定復活？
原來係個名太似，其實係兩個人 ^0^
當中有好多知識真係唔睇唔知
絲綢之路比我想像中長好多好多
其實當時運輸或者商貿應該都好繁榮
亦估唔到日本呢個咁先進的國家
原來佢係比中國、韓國遲好多脫離石器時代
呢本書我買的時間只係得第一冊
佢話佢會出到第五冊，但我可能接觸某塔太多
講就天下無敵、做就無能為力
心諗多數老點
但今日一 search，佢真係出齊左5本
我覺得呢本書D公仔好得意，但如果真係想學好歷史
睇黎真係要花D時間背翻好D人物名先
呢本書係值得推介，作者係 金相勳
相信係韓國人，所以本書都講唔少韓國史
大家有興趣睇下 ^^

Herman Yeung

連結 Link:   好書 ‧ 靴推介

連結 Link:   Herman Yeung Blog 主目錄

Domingo

早兩日睇下西班牙語
佢地一個星期七日
英文叫 Monday, Tuesday, ..., Sunday
而西班牙語分別係 Lunes, Martes, Miércoles, Jueves, Viernes, Sábado 同埋 Domingo
對於我黎講，總知就係7個好難讀的名
但係阿珊就發現佢好似
用左巴比倫果種以星球命名星期的手法
於巴比倫或者日本
星期一至日，佢地係叫做月、火、水、木、金、土、日曜日
西班牙語果幾隻字好似係星球的名
我今晚有時間 search 下
原來係堅的
Lune = 月亮、Mars = 火星、Mecury = 水星、Jupiter = 木星、Venus = 金星、Saturn 土星
真係對應到西班牙語的星期一至六
咁樣講法，西班牙文化應該都係受到古巴比倫的影響
但唯一唔明就係點解日本都會受到巴比倫的影響？
西班牙同古巴比倫都算近，但同日本應該好遠先係
咁遠都影響到？唔通日本都有人去巴比倫取經？
之後我再 search 埋 Domingo (星期日)
佢個意思好似係 "of the lord"
即係咩？我都唔係好知
我剩係知有人用呢個做英文名
諗落呢個英文名又真係幾型
一來人地問到又可以話係西班牙語
二來意思又係人人都中意的星期日
有唔洗 do，輕輕鬆鬆的意思
好寫意的一個名字~~
相對應如果叫 Monday 就黑人僧得多
見到您代表又要開工啦 >.<
Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄

為何 n 的 5 次方的個位數一定係 n (for n=1,2,3,4,5,6,7,8,9)

Interquartile range 四分位數間距 多種 accept 方法之證據

好多人都提出我地教的 Interquartile range 四分位數間距
與學校教的方法甚至計出黎的答案皆不同
故詢問我地的方法是否會俾分
我常指出，考試局係會接受好多種計算方法
而不同方法計算所做出的不同數值答案皆會俾分
但仍有同學擔心，今日剛好睇翻 Maths & Statistics 的 Marking Scheme
有以下的圖片

以呢條為例，可見考試局係接受至少5種的計算模式
而當中我地的模式所計算的答案係包括在內
所以大家可以安心使用我們或者您學校教的方法

Herman Yeung - "Pure Maths 再現" 系列 - Mathematical Induction 05 之另一方法

唔知咩 Pen ~~

相信自己

人類從前的思考模式係您想要咩，然後您去爭取。 
而家人類的思考模式係 "您想要咩" 唔重要， 
重要係 "分析結果" 認為呢件事會唔會發生 先重要 
呢個人類思考模式的改變係一個自我能力貶低的諗法 
事事任人擺佈的諗法 
人的思想係有一種吸引力 
您想果件事發生，果件事就會發生 
您日日潑自己冷水，果件事就衰硬
九成 人人考試都想攞高分， 
但您有無真心相信過您自己係會攞到高分呢 
定係您較相信其他人類對您的評價呢？ 
正如黎緊星期日的選舉， 
您想邊個贏，您咪信邊個贏 
點解反而信最終出現一個現象 
想A贏，但心裡相信B會贏的結果 
人愈大，愈覺得分析力只係用黎考試 
因為奇蹟係無可能分析到 
而人類歷史中就係不斷出現奇蹟 
原因就係總有人不盡信所謂的分析 
而相信自己 
今日開始，用數據分析事外，
仲要加多個元素係我想要咩 
用過往的數據分析黎生活，您只會平平無奇 
用您想要咩作目標再努力，就可以為自己創造奇蹟 
相信自己，加油﹗

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄

Yo~~ 食粒糖吧﹗

各位同學大家好︰ 
愈黎愈近 DSE 大家可能開始愈黎愈忙 
但都要小心留意身體 
尤其呢排天氣潮濕 
身體可能會比較易攰 
同埋可能會心情比較易低落 
如果心情唔好，可以考慮食翻粒糖 
糖可以增加自己身體的糖份 心情會轉好一點 
但食得多就記住刷牙，唔係蛀牙就大獲啦 
 我地呢排做緊 chem 暫時都未有出品，
但有一個 point 都想提翻大家 
我之前數學 core 講過 45條 MC 的 A,B,C,D 分佈係平均 
即係每年都係有 10~11 條A、10~11條B、如此類推 
咁多年都無 exception 但做 chem 時發現，
chem 唔係咁 2016年︰9個A, 8個B, 11個C, 8個D 
2015年︰7個A, 10個B, 10個C, 8個D, 1題取消 
2014年︰9個A, 8個B, 8個C,11個D 
可見化學就係好化學 同數學唔同，
大家做的時間沒有數學的 checking 優惠 
我地之後會繼續努力做 chem 今年應屆的朋友，
我地盡力睇睇會否於大家考前有多少出品 
但真係唔敢保證 其他科，大家可以睇下我地的平台幫唔幫到手 
數學core, M1, M2, 經濟都拍齊曬 phy, chem, BAFS 就有多少，
自己睇睇啱唔啱睇 除左數學有天書賣外，
其他都係 free download note 希望可以幫到大家啦， 大家繼續加油。

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄

巧遇小朋友

今日見到個小朋友 
想阿媽抱所以喊 
而佢阿媽就同個小朋友講 
您喊我就唔抱 個小朋友心諗 
就係您唔抱所以我喊 
但係您話我喊就唔抱 
咁但係之前我唔喊您又唔抱 
咁即係點呢 
呢個時候佢就要學 
數學 core 的獨立事件 independent event 
抱同喊係 independent 佢阿媽無點佢 
您喊就唔抱 
但佢無講埋心裡果句 
您唔喊佢都唔抱 
即係您喊唔喊係影響唔到抱的概率 
而呢個概率一直都係0 
要一個3歲的小朋友明白 dse 的概念 
可見佢阿媽想訓練小朋友成為新一代的哲學家

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄

Herman Yeung - 扭計骰篇 (2x2)

面︰ L U Li U L U U Li
0 黃︰放左右耳仔
2 黃︰放右上(前)
1 黃︰放右上

邊︰ Fi L Fi R R F Li Fi R R F F
對色放右

Tips Class Plan B Question 53 (Alternative Method) (by Kelvin Cheung)

多謝 Kelvin Cheung 同學 為我地帶黎 alternative method

不要 on 框框

"女星名人展開素顏革命 唔輸蝕畀「化妝顏」"
https://hk.apple.nextmedia.com/realtime/international/20170106/56133071
"吹過濃妝艷抹和整容風潮後，「素顏主義」正在默默起革命。不少女星名人回歸純淨，紛紛以素顏示人，讓大家感受她們「最真的一面」。

英國ITV主持人里德（Susanna Reid）上載了素顏和化妝後的自拍照，哪張臉容更吸引？可謂各有所愛。71歲奧斯卡影后、英國女星海倫美雲（Dame Helen Mirren）亦支持素顏風，上周坦言除非特別場合，否則都會盡量素顏示人，認為如果更多人支持素顏則更「美好」。

莎朗史東（Sharon Stone）、波姬小絲（Brooke Shields）等女星亦是素顏的支持者，帶出一個訊息︰「看，我們可以施展魔法，
但在華麗背後，我們也只是凡人。」

從事市場營銷、40歲的阿瑟爾（Paula Atherill）表示，素顏讓她更有自信，坦言以往每天至少花20分鐘化妝，但當她與一些年青女性一起工作時，發現她們熱衷甚至沉迷化妝，令她開始反思。因此她現時只會在特定場合化妝，將以往用來化妝的時間關注如何活得更好。

四子之母、33歲的懷特（Laura White）則稱受到母親的啟發，她母親幾乎從不化妝，現時快將65歲，但卻沒有一條皺紋。她的祖母亦一樣，逝世時93歲，但皮膚仍非常好，令她質疑化妝對皮膚的傷害。

英國《每日郵報》 "

"夢想．不盜" 一書中提及過，百五年前建立的教育制度
係加入教育大家成為 忠誠的消費者 的元素
於之後的百幾年歷史中
市場推廣的確將好多產品利用潛移默化的方法
令大家將一D沒有價值的產品或服務
利用 marketing 的包裝 及 別人眼光的壓力
令大家忠誠地支付大量的金錢去購買
以滿足商家佬的收入需求
以化妝為例，二百年前化妝不是必需品
但後來利用 marketing 令化妝變成必需
沒有化妝等如沒有禮貌
所有 OL 都要用自己一大部分的人工
去買化妝品及衣物，否則就係沒有做 OL 的資格
佢地又會灌輸什麼︰沒有醜女人，只有懶女人 的口號
令大家將唔消費買化妝品的行為 變成 懶 再變成 罪
最後大家因身邊環境的壓力而被迫浪費大量的金錢去化妝
文中都提到化妝其實會傷皮膚，但人類仍然貼錢買難受
咁多年黎好多人都覺得好多事唔合理
可惜教育話我地知什麼槍打出頭鳥令大家都係啞忍
但而家時代變了，而家開始有人 (外國的女星名人)
願意跳出框框
拒絕再被扭曲的文化擺佈自己，向扭曲文化說 "不"
希望星星之火可以燎原，愈來愈多人向不合理的事說 "不"
大家都唔好再 on框框，要跳出黎，不再人做我做﹗﹗
我買係因為對我有用，而唔係隔離條友話買而迫到自己去買
為自己而活，大家加油﹗﹗

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄