訂購 Herman Yeung 數學天書詳情

2016年1月30日 星期六

香港公共政策創意獎勵計劃 (Outstanding Award)


2016-01-30



今天執拾書櫃時找到呢張15年前的獎狀
勾起好多年前的回憶
2001年,我同阿珊參加左一個 "香港公共政策創意獎勵計劃"
佢個計劃係要為香港設計一個政府政策
參加者先要交一份書面報告,就可以得到 $2000 的資助
資助參加者做第二輪的 presentation
呢 $2000 點用係唔會有人理,你可以用凸佢
大曬金錢做第二輪的 present
你亦可以用 $10 買幾張畫紙做個 presentation
之後自己袋左餘下的 $1990 。
當年我同阿珊兩人一組,有實力的我地當然係選後者
我地用左 $10 左右就攪掂左我們的 material
做左一個好環保的 presentation
(即係近乎徒手 present 左個 powerpoint 就收工
但要出發到比賽的地點
都用左 10 蚊搭車同屋企執左幾張 note cards)
用左幾小時的我地,就咁攞左當時的 "Outstanding Award"
當日 present 的內容就無左啦
但記憶中我地設計的政策係為香港建立一個 "中藥港" 的計劃
我地都 search 過下 d 資料
什麼利用 GMP 認証中藥的效能
以西藥的包裝出口外國之類
內容我覺得係驚天動地,但可能我地太環保
所以當時入唔到決賽
只係攞左個 "Outstanding Award"
(而果年之後的第二年
資助金額由 $2000 縮減到變成 $1000
相信佢地發現大家的環保意識愈來愈強)
相中就係我同阿珊出席決賽當天的照片
我地等到冠亞季出黎 present 表演完後
就頒左果張証書俾我地
當時諗住呢張野可能對未來見工會有用
點知佢張 cert 竟然只係寫左我同阿珊個隊名而無寫我地個名
>.< 外人又點會知邊個係 "公司醫生" 呢?
無錯,我地的組名係 "公司醫生"
點解改呢個名? 完全係覺得個名好型之外
其實沒有其他理由
時代不同,型的定義都好唔同
你見到相中我的髮型係當時最型的髮型
你可以叫呢個髮型做 "千禧 MK look"
不要問我為何我咁型,好多野係與生俱來的

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄


沒有留言: