好書‧靴推介 - 動物農莊求生計 一場實現改革創新的 MBA 經典故事 維傑．高文達拉簡 & 克里斯．特林伯

有好多同學話想入BBA
如我直播所講，BBA 其實講求實用
但如何實用呢？
呢本書係一個好好的書
內容係講一間由動物經營的農場
長年經營不善之餘，仲要個老細年老被迫退休
最後仲死埋添，傳左個領導位置俾自己個女
個女就係一隻綿羊 Stella
由於 Stella 新人破格升到領導位置
所面對第一個問題，就係下屬不服的問題
後期又由於煩事太多，仲忘記將原材料對沖
所以本來負債累累的農場上再更加百上加斤
之後又再發生下屬發生大規模內鬨
Stella 自己的男朋友又分手
地主又迫 Stella 賤賣農場
Stella 雖然想推動新產品
但推動過程又引起內部的職員不斷反抗
加上推動後的成果未如人意
好多好多的問題出現
成本書就係講 Stella 如何解決種種問題
完全就是 BBA，甚或 MBA 所讀的技巧
實戰於呢個動物農場上
最後當然係 happy ending
但當中唔係空範地扔個專有名詞出黎就算
亦好細緻描述如何面對及解決呢堆問題
想讀 BBA，甚或我呢D讀完 BBA 的
(我係 Major : Professional Accountancy
但都係 BBA 學系的一個 Stream)
都覺得學左好多野，真心好值得睇。
(P.S. 我嚮書局見過同名但唔係呢本書
所以大家真係買都要小心唔好買錯
留意作者係  維傑．高文達拉簡 & 克里斯．特林伯)

Herman Yeung


連結 Link:   好書 ‧ 靴推介

連結 Link:   Herman Yeung Blog 主目錄

好書‧靴推介 - 慢下來......幸福就不會擦肩而過 何權峰著

呢本係前幾晚直播時，阿珊介紹的一本書
當中有幾句的確好有意思的
1. 「放下」與「放棄」是不一樣的。放下，是一種心態上的昇華；放棄，則是放棄自己與希望。放下，可以讓人輕鬆自在，放棄則是讓自己陷入痛苦沮喪。
2. 人生有得有失，境遇有好有壞，所有狀況都是暫時的，沒有一件事會永遠不變。困境不會是永久的，難關也終將過去。

除左呢D有意思的句子外
書中亦提到好多時人的煩惱只係庸人自擾
一個故事幾得意，講一個禪修的活動，百幾人坐嚮一間房內
坐下坐下，近窗的就話凍、唔近窗的就話熱
有人話凍時就關細個窗，有人話熱時就開大個窗
如是者無一刻可以討好每一個人
直頭最後，一名參加者由於開窗用力太猛
成隻窗隊左落街之後
大家就無再為冷熱提出意見

好多問題只要接受左就唔係問題
不斷的排斥只會令個問題不斷困擾
具體D咁講，有D問題係人類可以解決的
就要積極去解決
有D問題係無法解決的，例如已成事實的
就不要再排斥，要接受後好好生活下去
只要分清楚有咩可以改變
有咩則要接受，人生就唔會再咁攰
就唔會再浪費時間精力於心靈上的交戰身上。

Herman Yeung

連結 Link:   好書 ‧ 靴推介

連結 Link:   Herman Yeung Blog 主目錄

好書‧靴推介 - 劍橋倚天屠龍史 新垣平著

呢本係前年書展買
大家圖中見到黃色牌就知係平野
100蚊7本定係$20本就唔記得
但一定係特價貨
上年書展我見到仲有得賣
不過升價到 $30
原來書真係有升值能力
今年大家去書展可以留意下呢本
希望唔會再升價
呢本書的內容係由新垣平博士
將倚天屠龍記的情節配合真正的歷史
加埋作者自己的幻想力合併一部比倚天屠龍記更完整的故事
倚天的情節加入好多歷史背景
清楚解釋當中情節發生之理由
能倚天的故事更好睇、更合理
好少小說可以令我兩日睇完
大家有興趣留意下書展有無得平賣

Herman Yeung


連結 Link:   好書 ‧ 靴推介

連結 Link:   Herman Yeung Blog 主目錄

好書‧靴推介 - 看漫畫 學化學、DNA、遺傳、物理

看漫畫 學 __ __ 系列
我第一本係睇 看漫畫 學化學
嚮圖書館借的，大家可以 search 下
封面會唔同我圖中果本，但內容相同
由淺入深，都包左唔少 HKDSE 化學內容
寫得幾易明
之後我搵埋佢三個兄弟買埋
化學果本就睇曬，明多左好多我之前唔明的
而 DNA 果本真係好得意
佢講到 DNA 未發現之前
已經有電腦專家描述日後的機械人
會於每一個零件中，save 低全架機械人的設計圖
好讓它日後損毀了部分配件時
可以自我找原料修復
呢個正正係一個問題
如果個個機械人都有自我修復的願望
即係當機械人發現自己有所缺時
會否因為要尋找資源而攻擊人類呢？
可能只係 Pre-set 時一個指令上的出錯
要求機械人不斷複雜自己
佢地就可以無限量需求資源
如果人類滿足唔到佢，就會發動戰爭
最後的問題只係機械人同人類打邊個能夠取勝的問題
但而家已經發現 AI 於軍事上的決策
已經比一個有幾十年經驗的司令勁
即係人類係輸硬
所以研發 AI  有如玩火
人類真係要自求多福。

Herman Yeung


連結 Link:   好書 ‧ 靴推介

連結 Link:   Herman Yeung Blog 主目錄

好書‧靴推介 - 第九隻兔 王興川 著

這兩天無意間翻起這本書
亦不知不覺間看完這本小說
我覺得幾好睇
佢係講述因為溫室效應、食物嚴重短缺
兔界面臨頻臨絕種的危機
兔界中欲解決今次的危機
建議派出遠征隊到達遙遠的山頭
希望可以於新的地方中得到新的生機
但要到那個遙遠的山頭
必需過渡有狼、獅子的地方，
以及可能面對未知的危險，
所以遠征隊於自願參與的情況下，
只有一隻兔參加左
呢隊只有一隻兔的遠征隊開始出發，
但出發無耐，兔界的皇族怕會因為呢隻兔的緣故
而俾狼知道佢地的存在，
引發一場引狼入室的危機
所以派出殺手兔去殺呢個主角
主角當然可以避過此劫，
而且經歷千辛萬苦，真真正正發現到新生機的樂土
主角發現後回到兔界叫他們遠遷於這片樂土
但兔界的皇室因怕改動會帶來未知的危機
不願遠遷之如，仲下令要處死主角
經過一段情節後，主角走甩左，但好多幫主角的都枉死了
兔界的皇室仲下令卦城，唔俾任何兔出城
最後官迫兔反，出現史無前例的暴亂，
所有兔都衝出城向新樂土進發
留下的就是不願改變的兔界皇室
而他們最後都因食物短缺而全個皇室都死曬
願意冒險的到了樂土後重過新生活。

整個故事係諷刺人類因為恐懼而唔想改變任何的現狀
寧願等待一個根本唔會出現的神蹟打救自己
最後只係死路一條，
很有意思的小說，而最有意思的一點係故事道出
改變的風險往往都比坐以待斃的風險為低。
呢本係我近年看過的書中最有意思的一本。


Herman Yeung


連結 Link:   好書 ‧ 靴推介

連結 Link:   Herman Yeung Blog 主目錄

Herman Yeung - DSE 數學 A 天書 - 第4堂 52 (Log practice 對數練習5) - reference

疑似 IMO 題目

特別鳴謝
Woody Tse, Echo Chan, Ray Cheng, Mc Cheng, 
Jimmy Leung, 李穎昕, Clement Woo, Tsz Kiu Li 的參與


連結 Link:   IQ 題 (主頁)

連結 Link:   Herman Yeung Blog 主目錄

香港半日遊 - 香港歷史博物館

唔知大家有無玩過大航海2
一隻好多年前由 doc 驅動的電腦 game
太約係24、25年前的出品
內容係講述 15XX 年左右
歐洲各國海上爭霸
分別有葡萄牙 (首都里斯本)、西班牙 (首都塞維爾)、
英國 (首都倫敦)、荷蘭 (首都阿姆斯特丹)、
奧克曼帝國 (首都伊斯坦堡)
當時各國都發展海上事業，從經商、戰爭侵略兩方面去做
而每一個玩家就係集
商業 (即於每個港口買當地的特產賣去其他港口)、
海戰 (攻擊其他商船)、
冒險 (發掘世界的港口，從而繪製地圖
及發現不同地方的發現物，賣有關消息圖利)，
好好玩，而且學到好多野，
先了解世界地圖的分佈
了解唔少海邊的港口大約的位置
從發現物中亦了解世界各地的新奇事件
所以我果個年代的同學
都對大航海時代的歷史特別有興趣

而最近，我嚮地鐵見到香港博物館竟然有 "海上雄師" 的展覽

好想去睇，我同阿珊特意選星期三入場
因為星期三博物館入場費免費
睇 "海上雄師" 展區都只係 $10
抱持 $10 的態度入場，真係喜出望外
"海上雄師" 的門口 (未入去的地方) 已經好多野睇
仲有好多野拎同玩

佢有一個凸起的圖案模，你可以用顏色筆掃個圖出黎 (免費)
有本那不勒斯大學的 pamphlet
裡面有D問題問你，你要答，
我當然係直接飛去最後果版的答案啦

佢係講龐貝古城，一個古羅馬的城鎮
因為火山爆發，古羅馬出動一支海軍去龐貝古城疏散人民
果隊海軍的領袖叫蓋烏斯．普林尼．塞孔杜斯，
我都同佢影左張相

但火山爆發的速度及威力太大
有幾大，俾大家睇下

最後古城的人及救援的海軍都葬身古城中
古城亦從此消失
展覽中有一條十分鐘左右的3D短片
睇翻古城當日(被火山吞噬的一天)
由開頭火山冒煙、到有少少地震、到火山爆出火山灰、
到城中四處起火、建築物倒塌、全城被火山灰淹沒，
全個過程只不過係由朝早8點到當天凌晨1點
我嚮度諗，如果我係當地的居民，而又走唔到
事實佢地都係走唔切，我會點？
由一個好好的城市，當中有酒吧、歌劇院、廣場、大會堂、水塔、熟食店、......
唔夠 20 個鐘就變成火山灰
大自然的威力大到一日間毀滅
好多人逃生，有人還帶同好多身外物逃生
到生死關頭時，其實呢D野還重要嗎？
好多好奇怪的想法出現左

之後我地去睇另一個展區，展出當時海軍
介紹有唔同型號的軍船，當中有不同的設計及用途
亦介紹左一個裝嚮船頭下方的裝置叫喙形艦首
喙形艦首係愛黎攻擊其他船時，
隊穿敵人船身，令對方沉船
所以沉船遺骸旁會有一件殺船兇手牌子的喙形艦首

再之後我地睇過一個展區，展出當時的商船
唔同的商船有唔同設計，去運不同的產品
例如某一款的船內係有一萬個壸
係專門運液體的，好有規劃
之後有幅牆上顯示古羅馬的版圖
亦顯示當地的出產，農產物非常豐富
由於古羅馬地域好大，所以航運係主要運輸工具
唔怪得歐洲海上科技發展得咁快

另一個驚嘆的點係展覽內介紹羅馬鬥獸場
原來鬥獸場可以灌水入去做出一個海戰的環境
之後會派出真正的戰船於鬥獸場內互助撕殺
而呢個會死人的活動竟然係為左
俾場內5萬名觀眾欣賞的一場節目
參與死亡表現的人，有的係因為自己處於奴隸階層
勝出海戰可以脫離奴隸階層
所以搵命博黎表現
以現今生存的人類，
的確好難幻想到呢種同人唔同命的分別可以咁大的一個時代，
每個人看待自己的生命究竟係一種咩的態度

仲有一個地方係睇星，講翻出海的人如何用星定方位
佢嚮個天花版的位置慢慢出現4個不同的星座
因為出得太慢，我地都睇到頸都斷咁滯....

睇完呢 part 之後，我地再之後去埋香港故事的展區

是免費的，所以大家去開一定要去埋
內面睇左一個香港好多好多年前原來係一個火山
講述如何爆發、如何形成各式各樣的地層
亦介紹左香港地質公園之地質結構，幾得意
其實仲有好多野好睇，但係 3 點玩到 6 點左右
有 D 肚餓就鬆左人

3小時的行程，我同阿珊只洗左 $20
見好多同學 facebook share 去外國的名勝旅行
其實香港都有值得去的地方，大家有時間都可以去下。


Herman Yeung

連結 Link:  香港半日遊 - 山頂 (2016年7月3日)

連結 Link:   Herman Yeung 的其他 Blog

連結 Link:   Herman Yeung Blog 主目錄

鈺成其事 之 迷戀數學 之 計數果 part

https://tsangyoksing.hk/2016/07/04/%E8%BF%B7%E6%88%80%E6%95%B8%E5%AD%B8/

Question 1:
設 x 隻山雞、y 隻黃狼、z 隻九頭鳥
頭 = x + y + 9z = 100............(1)
腳 = 2x + 4y + 2z = 100.......(2)
(2) – (1)*2
2y – 16z = -100
Let z = t, y = 8t – 50
Put into (1)
x + (8t – 50) + 9t = 100
x = 150 – 17t
Solution Set 解集
={(150– 17t, 8t – 50, t): t belongs to real}
但 x, y, z 係正整數
150 – 17t > 0,  t < 8.82
8t – 50 > 0, t > 6.25
而 t 為整數
t = 7 or 8
When t = 7  (x, y, z) = (31, 6, 7)
When t = 8  (x, y, z) = (14, 14, 8)

Question 2:
設 x 隻山雞、y 隻黃狼、z 隻九頭鳥
頭 = 2x + 2y + 10z = 100............(1)
腳 = 3x + 5y + 3z = 100.......(2)
(1)*3 - (2)*2
–4y + 24z = 100
Let z = t, y = 6t – 25
Put into (1)
2x + 2(6t – 25) + 10t = 100
x = 75 – 11t
Solution Set 解集
={(75 – 11t, 6t - 25, t): t belongs to real}
但 x, y, z 係正整數
75 – 11t > 0,  t < 6.82
6t – 25 > 0, t > 4.17
而 t 為整數
t = 5 or 6
When t = 5  (x, y, z) = (20, 5, 5)  Total = 30
When t = 6  (x, y, z) = (9, 11, 6)  Total = 26


Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄

香港半日遊 - 山頂 (2016年7月3日)

今日心血來潮同阿珊走左去山頂
先講去山頂的方法
佢係搭地鐵去中環站
之後有兩個選擇
一係 J2 出口行過去
一係 K 出口搭 15C van 仔過去
嚮地圖度睇
J2 行過去纜車站
只係長 K 出口行過去 van 仔站少少
所以我就話不如行過去
好快我就知我揀錯左
原來路程短但全部係上斜位
仲要好熱，你見到呢張就係冷縮熱脹後的靴文
你以為佢好肥，其實只係熱脹所造成的效果
我地排左好耐隊先買到車票
途中仲加映的士佬大戰的士佬的肉博場面
排隊現場旁係一條塞緊車的馬路
大約四名的士佬唔知咩事落車同一個的士佬口角
繼而就用孫子兵法中 - 十則圍之的戰略，
嚮人多蝦人少的情況下
單拖的士佬不敵，回敬左幾句之後就撤回自己的士中
而四名的士佬攞埋個尾彩都翻自己的士
今日天氣比較熱，所以大家都好燥火
正當我同阿珊食完第一場花生後
前面排隊又有兩個男人口角
不過兩個男人都有小朋友在旁
所以都係以叫囂的戰術後平息左

因為今日係星期日，我地等左好耐終於走近買飛 counter
遊戲規則好簡單，單程同雙程選擇
單程 $71、雙程 $83，我地覺得雙程有著數
所以買左雙程，入左纜車後，都好彩有得坐
佢段路十分鐘左右，但有段都成45度角，真係好斜

好似坐緊機動遊戲咁，
一出去太多人落車
為左避開人群，
我地去左一間鋪頭睇下野先

俾我地發現左佢 
-- 傳說中的太陽能電筒
呢個咁廢的工具我地當然無買

我地反而俾呢隻陀錶吸引住
中世紀的設計
鬼斧神工的雕刻
都唔係吸引我的地方
最重要係三十幾蚊的價錢

令我覺得香港真係通縮啦

買左一陣野之後
我地見人群開始散去
就出去露天的位置
見到個天幾怪
所以影下
有咩怪，有個十字嚮個天出現





我地行左凌霄閣一陣
個天就開始黑
你見到D自由行嘛
邊條友話香港少左自由行
有佢地熱鬧的加入
令今天生色不少
欣賞美景的同時
要眼神與肢體上與他們角力
訓練個人修養的一個好去處
我同阿珊就好似明星志願的遊戲中，修養 +2、爆粗壓力 +3

呢間就係山頂其中一間餐廳
幾有特色，
係未好想知入面D野
好唔好食呢？
我係唔會話你知
.
.
.
.
.
因為我都唔係呢間食。 

話咁快就夜景啦，好靚的夜景
真係可以做名信片

俾我有幸遇到香港的特產 - 蛋撻
梗係要同佢影相啦
上面果句愛黎昆D外國人
做到蛋撻爛珍貴
先吸引到佢地黎香港

[P.S. 我地今日出發前係去過書局
睇香港一日遊的書先出發
入面D簡介真係嚇死我
XX城，係西環一帶最大的商場
樓高5層，商店林立
當中包括百佳、萬寧、759阿信屋
0.0 我睇到呢度，幾有衝動即刻飛的過去呀，一次過有三間賣野的店鋪，嚮邊度搵]

嘩﹗你睇下我買左幾多手信
全部都係日本野
仲要件件 HK$12.00
真係抵到爛﹗
我唔出聲，大家仲以為我去左日本旅行添




呢個行程之後都係無咩賣點，
我地去左市區都有的 spaghetti 360 食左個餐，
不過唔知係唔係我當自己係去左外國旅行，
碟野都好似好食D，之後我地就搭纜車回程

最後呢張唔係山頂出品
只係山頂之旅之後翻屋企好肚餓
而買的宵夜。














Herman Yeung


連結 Link:   香港半日遊 - 香港博物館

連結 Link:   Herman Yeung 的其他 Blog

連結 Link:   Herman Yeung Blog 主目錄

YouTube 影片排行榜 (2016年7月2日)

由 2010 年 6 月 5 日累積至今

影片	觀看時間 (分鐘)*	觀看次數
Herman Yeung - 扭計骰篇 (3x3)	545,521	77,206
HKDSE 唔想俾人扣分必睇~	260,665	64,458
Herman Yeung 2013 Core - 收音機篇	77,269	64,359
Herman Yeung 全新補習課程	11,664	59,927
Herman Yeung 數學 core - Probability 概率 篇	187,802	43,154
Herman Yeung 全新補習課程	10,334	38,683
Herman Yeung - 扭計骰篇 (4x4)	226,328	34,249
Herman Yeung - Polar Coordinate 極座標	92,174	31,039
Herman Yeung - Quadratic equation program (解二次方程程式)	53,641	29,971
世界最快扭計骰示範	22,568	29,398

__________________________________________________________________________

2016 年 6 月份

影片	觀看時間 (分鐘)*	觀看次數
Herman Yeung - 扭計骰篇 (3x3)	52,164	7,617
Herman Yeung 全新補習課程	1,596	7,506
Herman Yeung - 扭計骰篇 (4x4)	17,393	2,669
Herman Yeung 教入 Casio 新型號 的三大 program: 二次、三次、聯立 (Quadratic, Cubic, Simultaneous)	6,716	1,823
訂購 Herman Yeung 天書 (特別優惠)	863	1,643
Herman Yeung - 2 equation 2 unknown program (解聯立方程程式)	2,593	1,330
Herman Yeung 5月6日 吹水直播 (閒聊、"夢想不盜"齊齊睇、...) Part 2	13,985	1,271
Herman Yeung - Intersection points between circle and line program (解圓形直線交點)	4,501	1,260
靴靴有野講 (2016年6月23日)	2,276	1,184
Herman Yeung 5月6日 吹水直播 (閒聊、"夢想不盜"齊齊睇、...) Part 1	9,038	1,146

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄

2016 DSE 放榜前夕

2016-07-01

古文明 - 公元前 250~224 年出現的 巴格達電池

最近做緊 Chemistry 化學的筆記
做到 chemical cell 化學電池時
剛好又睇緊一本叫 "物理之書" 的內容
講到 1938 年，巴格達發現左呢個 13 cm 高的黏土罐
裡面係一個銅製的圓筒同埋一支鐵棒
而罐上亦有被弱酸腐蝕性過的跡象
呢個係一個電池的裝置
有人將呢件文物複製，加入醋之後
發現可以產生約 1.1V 的電壓
咁即係遠在 公元前 250~224 年
人類已經發明左電池
但根據記載，電池係於 1866年，由 G. Leclanche 發明
即係 G. Leclanche 發明我地而家用緊的電池前 2000 年
人類其實已經掌握電池的技術
呢個唔通又係古文明？
我只係唔明白，點解二千幾年前
有人可以勁到發明到電池
但係無法將技術流傳落去
係佢地太勁，離開曬地球
還是真係好似 "尋秦記" 咁講
係有現今的人，回到從前
利用自己的記憶做出各種古文明的技術出黎
由於當時的人根本無法了解相關技術
以至出現後又失傳？
如果係後者，大家讀 Chem 就好有用啦
一個唔好彩時空轉移
你可能利用 DSE Chem 的技術成為古時的發明家

Herman Yeung


連結 Link:   古文明系列

連結 Link:   Herman Yeung Blog 主目錄