我覺得重點係 「唔好問做呢件事做唔做得切」
好多人都會做一件事前，思前想後
判斷 做唔做得切 及 做唔做得過
之後就會浪費好多時間諗做唔做好
但其實只要大家放棄思考呢個問題
只係好單純問我應該做D咩就夠了
計算得失的人，成日都十五十六，最後流於思考，咩都無做
但成功的人係問自己應該向哪個方向前進
什麼是奇蹟？
奇蹟係指一些事本來 做唔切 or 做唔到，但最後做到
計算得失的人永遠唔會有奇蹟
因為未開始之前，佢已經覺得做唔到而放棄了
我地 6 年前想做一個平台教好多科
我地都無思考自己做唔做到
只係思考什麼是我們要追求的大方向
我地想做一個教好多DSE科目的教育平台
當我要教生物，發現我連以前有學過的都唔記得
但我無諗過成本效益，無諗要由頭做起究竟做好耐、
或者好難做、又或者未必做得到
我只係將一件好難的事做好多的細分
一科好難拍，分幾個 topic
一個 topic 好難拍，再細分好多的 section
一個 section 再細分好多個唔同的步驟
經濟科，我拍的時間無諗過自己能否做到完美的課程
一味照做，做完唔滿意再做、再唔滿意再再做，
做到而家第 4 個版本
可能幾年後會再唔滿意，再再再做
我唔會諗時間做唔做得切，我只係會諗值唔值得做
值得做、方向正確、合適的方法，奇蹟自然出現
我們拍的 8 個科目，自然會一個一個完成
所以同學溫書都不要像分析股票咁
日日聽 D 小道消息話呢個方法得、果個方法得、
Tips 今年出乜出物
日日諗住走旁門左道，浪費自己的青春
找一個合適的大方向，踏踏實實的開始學習計劃
有人話咁會學得好慢，咁學法一定學唔切
我想講學習的路一向都係先慢後快
當學習到一定時間，之後自然會快
同埋再慢都比花時間去思考開唔開始做的已經要快得多
今天就寫低您想做咩
例如我想睇曬整個 數學、物理、化學、M2的 playlist
今天就開始前進，不要再計算做唔做得切
只係計算如何善用每天的資源，朝向目標一步一步進發
開始之後，您會發現您的做事效率會愈黎愈快
最後就會成功，大家加油 💪💪
1 則留言:
對！
發佈留言