訂購 Herman Yeung 數學天書詳情

2015年7月21日 星期二

流星雨


2012-11-13

1998年11月 新聞報告︰ 
香港會出現百年難得一見的xx 座流星雨, 
今次唔睇,大家有生之年都唔會再見到。 

當時天真的我同水魚珊就特登去左香港科技大學度睇, 
對於一個中學生黎講,通宵等睇呢個流星雨的確係一件創舉,
尤其我地中學生時生活如灰姑娘一樣, 
十二點前一定翻曬屋企,果次的活動真係未出發先興奮。 

當晚好凍,我地一行十幾人去左科技大學發現人山人海, 
大家都好似前世未見過星咁,好唔容易搵到個地方靜靜睇個天,
好期待呢個百年一遇的奇觀。 

流星魚果然係名不虛傳,"流" 星雨果然係流,
我地等左成晚,最後咩都見唔到... 
當非常失望的時間,突然遠處傳黎歡呼聲.... 
一望,原來係飛機, 大家都好似好期待有尖叫的機會, 
尖叫一輪之後就完左當晚的節目。 

第二日我地仲要翻學, 
由於我地全班大部分人都參加呢個 "流" 星雨的活動, 
我地個個都好眼訓,
好衰唔衰果日仲要中化測驗,個個中住眼訓考,都唔知自己寫緊咩,
之後派翻卷,有去的人當中,20分的卷最高果個都係攞 3 分,
仲有唔少人份券有寫英文, 
原來一個人最眼訓的時刻真係咩都做得出。 

當天雖然大家好辛苦之餘亦徒勞無功,但大家都覺得好值得,
因為佢話曬係百年一遇的天文現象, 但係....... 

2000年 新聞報告︰ 
今個月香港會出現百年難得一見的 xx 座流星雨, 
今次唔睇,大家有生之年都唔會再見到。 

@@ 改過個星座名又可以出過黎﹗ 

往後每隔兩三年,就會有一個新的星座流星雨出現, 
仲密過奧運,
所以今次又有獅子座流星雨出現,大家可以當佢好流流地, 因為兩三年後又有咩 老虎座流星雨出現。

Herman Yeung


連結 Link:   Herman Yeung 的其他 Blog

連結 Link:   Herman Yeung Blog 主目錄


沒有留言: