訂購 Herman Yeung 數學天書詳情

2018年3月8日 星期四

不患寡而患不均

前日直播中,有介紹過一本書叫 "先秦政治的智慧與謀略"
當中有一個論點幾得意,想同大家分享一下
作者引用孔子的一句說話︰不患寡而患不均
呢句說話好多人照字面錯譯
認為人不會因缺乏而不快樂,
只會因為社會分配不平均而不快樂。
但呢個解法係扭曲左孔子的意思
孔子當時講呢句其實係講緊一個地方的經濟發展
不患各行各業未能蓬勃發展
只係患一個地方的發展不均衡
好似香港咁,只有某幾個行業主導
孔子話,如果一個地方的行業只趨向某些行業係唔健康
長遠係有好大的危機
呢一點正正就係最近美國對鋁、鋼實施關稅
呢種保護政策係為左當地的鋁、鋼的事業可以得以發展
以至當地不同行業都有,才可以令美國更安全
例如,日後有出現國與國之間緊張的情況
都不至於因別國唔輸入鋁、鋼而令國內的生產陷入癱瘓
呢一點我記得狄娜小姐主持的大國崛起
其中一集都講到蘇聯曾經都講過
清朝之所以受八國聯軍攻打
就係因為清朝沒有重工業
對八國的船堅炮利變得不堪一擊
所以蘇聯當時不斷將農業所賺到的錢
投入興建重工業的工廠,以至日後第二次世界大戰
面對勢如破竹的德軍,蘇聯可以迅速生產坦克大敗德軍
呢幾個例子,係好得意地與經濟學上的地域分工持完全相反的意見
地域分工係自己國強咩就生產咩
再利用國際貿易追求最大的好處
但係呢一點能否做到要依賴國與國之間的貿易係正常化
萬一出現國與國之間的關係緊張
或者其他國因其他利益而做的圍堵政策
地域分工可能會出現好大的問題
當巴西集中種咖啡豆而輕視其他行業
但國際貿易中出現問題的話
巴西人民可能要飲咖啡黎充飢
當然以上的問題其實可以牽涉到好複雜的問題
我地識少少就唔好再班門弄斧
P.S. 如果上面有咩講錯就當我係偽經濟系列,唔係成個系黎招呼我啦 ^0^
但就以上的情況看識人好過識字的呢一句說話
亦正正導出當中的問題
好多人希望識人好過識字
希望通過合作從而找到著數
看似好醒目的行為,但有無諗過
呢個可能亦會出現以上的情況
因為其他人的利益
佢地可以唔同您合作,或者合作後利益會不平均地分配
如果作為弱勢的一方,因為自己的能力只集中一方面
唔同人合作就無法有什麼作為
但其他人又唔願意用合理的回報同您合作時
您就會肉隨砧板上,啞忍所有的不公平
理解呢個問題所帶黎的痛苦
所以我同牛牛點解咁唔鍾意同人合作
我地希望自己學多D野,
盡量減少對其他人或機構的依賴
希望可以有一個較公平的生存環境
而呢種心態又會否於未來變成一個主流的生活模式呢?
至少而家國際上由一面倒講 globalization
到而家開始有另一個新的詞 localization
所以我都好期待 BBA 日後除左鼓吹 networking 外
都會有另一個聲音叫大家去行下 "獨 L ization"

Herman Yeung


連結 Link:   Herman Yeung 的其他 Blog


連結 Link:   Herman Yeung Blog 主目錄

1 則留言:

11111111 提到...

中文卷三聆聽部份有考呢個四字詞