呢本亦係我上年書展時買的，
同我上一次介紹果本 人生有趣300倍的方法
係屬於同一個作者 小川仁志
呢本比上一本我個人覺得更加好睇
作者用哲學去解釋好多個名詞
令你從中重新了解每一件事
例如書中提到 "憤怒" 其實係正面
負面的只係 "憎恨"
"憤怒" 係言辭強而有力、認真直視對方
而 "憎恨" 主要係為懲戒、折磨對方而表達意見係次要的
呢個明確的定義令我慢慢明白
好多時我地覺得好多野係好忿忿不平
但表達的時間會被身邊的左膠話激進
而從小到大的教育又好像將激進評為貶義時
我地就會收回我們的憤怒
要表達的沒有表達了
但如果思想如作者般清楚的話
激進的表達意見不是負面
重點是背後你的目的係為件事好
還是只係想懲戒、折磨對方
書中亦重新定義左喜悅、不安、放棄、嫉妒 等40個詞語
其中一個係輕蔑
作者覺得輕蔑真正的意思係寄予某種期望
有時身邊的人會對自己做出不同的反應
但反應的表面意思與背後深層的意思可能有好大的差異
差異緣於大家從小到大不斷灌輸的所謂知識
愛因斯坦一句名言︰
"常識就是一個人到18歲為止所累積的各種偏見"
睇呢本書重新認識每一隻字可以令人諗野可以有另一個觀點
而我最最鍾意的係
作者叫我地平時可以抓住一些小事開心慶祝一翻
例如今日食到個好好食的餐蛋麵
就將今天叫做 "餐蛋麵日" 慶祝一翻
其實又係的，
復活節果日都未必開心過食到個好食的餐蛋麵果一日
大家可以從生活中找緊多一點喜悅
人生就會開心得多。
連結 Link: 好書 ‧ 靴推介
連結 Link: Herman Yeung Blog 主目錄
沒有留言:
發佈留言