訂購 Herman Yeung 數學天書詳情

2016年3月29日 星期二

好書‧靴推介 - 心戰(曹操) 陳禹安 著














































我是由大眾書局買的,但同學亦可以於香港公共圖書館借
https://webcat.hkpl.gov.hk/lib/item?id=chamo:3293148&theme=WEB
一本我睇完又覺得幾深感受的書
其實心戰系列有好多本,
另外我仲買左 孫權 同埋 司馬懿
其他兩本未睇,而嚮書局都睇過下 關羽
整個系列有好多優點
唯一少少問題係每本心戰的故事背景都係三國
作者雖然已經刻意由不同人為主角為出發點
嘗試以不同的角度去分析同一件事
但始終故事的內容大致都係三國演義中的故事
睇關羽時的確有唔少地方與曹操的內容重覆
但除此之外,成本書整體都係好值得睇
作者用左好多心理學上的知識去分析
曹操一生人當中面對好多大事時
係用咩諗法去決定每一件事的做法
由初時為何會決定行刺董卓
如何處理王允對自己的信任
再之後被陳宮捉住後如何利用自己對形勢的分析
做出令陳宮放自己的手段

及後殺呂伯奢的心理狀態
再之後殺唔殺呂布、放唔放劉備
大戰袁紹的過程、關羽被擒、赤壁之戰、大戰馬超、
及殺楊修等大大小小的事上
曹操如何面對成功、失敗及對外對內的處事態度
及最後晚年相信天命後而做出的各樣行為
令讀者更了解曹操,亦了解人性
佢講到袁紹的缺點與曹操的優點時
的確勾勒出現今商業社會不同老闆的特點
亦講到他們手下因為知道其特點會做出種種不同的對策
比起好多商管書教 management 來得現實及實用
作者提到曹操其實本來係一個諗住復興漢室的忠臣
但後來因為好多事情的發生 (書逐件逐件講)
令曹操慢慢改變自己的諗法
亦解釋天命預言如何令曹操自信自己必然成功
及後不敢自己稱帝都有很詳盡的解釋
當中除了講三國外,亦會因用左心理學的 term
而介紹左好多心理學上的故事
都好特別,學左好多野
大家有時間可以去書局買或圖書館借黎睇下。

Herman Yeung


連結 Link:   好書 ‧ 靴推介

連結 Link:   Herman Yeung Blog 主目錄


沒有留言: