訂購 Herman Yeung 數學天書詳情

2020年1月23日 星期四

Herman Yeung YouTube 的 DSE 資源一覽表

Herman Yeung YouTube 的 DSE 資源一覽

數學 Core︰我地有12個 playlist
https://www.youtube.com/user/hyhermanyeung/playlists?view=50&sort=dd&shelf_id=13
大家可以從呢12個 playlist 去學
如果您係無咩睇過的朋友
建議大家睇天書A至G,
呢7個 playlist 已包齊所有DSE會考到的題型
如果想更上一層樓就睇埋其他的 playlist 

數學 M1︰我地有一個約90小時的 playlist
https://www.youtube.com/playlist?list=PLzDe9mOi1K8q_gw8bjRIfrfaFp00D7PXZ
已經包齊所有 M1 的內容及所有年份的 past paper demo
連埋舊制有用的 past paper demo 都包在內
一般同學的 feedback 係
睇下睇下會發現唔少 past paper 係翻炒
所以每個 section 的後段 pp demo 會快飛
故此,實際睇片的時間大約60小時左右
同學亦可以於 playlist 的 description 中
睇到不同 sub-topic 的 playlist 
所以大家可以先學左自己最唔掂的 topic
而片中的筆記係可以免費下載的

數學M2︰我地有一個約140小時的 playlist
https://www.youtube.com/playlist?list=PLzDe9mOi1K8pnVSla64RHngkdLHCGUFce
已經包齊所有 M2 的內容及所有年份的 past paper demo
連埋舊制有用的 past paper demo 都包在內
如M1,一般同學的 feedback 係
睇下睇下會發現唔少 past paper 係翻炒
所以每個 section 的後段 pp demo 會快飛
故此,實際睇片的時間大約100小時左右
同學亦可以於 playlist 的 description 中
睇到不同 sub-topic 的 playlist 
所以大家可以先學左自己最唔掂的 topic

而片中的筆記係可以免費下載的

Physics 物理︰我地有一個 130 小時的 playlist
https://www.youtube.com/playlist?list=PLzDe9mOi1K8onyKY5YNHBEAUroREi6g_l
內容包括整個 compulsory part 必修部分 
及 Elective part 2 : atomic world 原子世界
免費全彩筆記就做到 compulsory part 首3個 topics

Chemistry 化學︰我地有一個 146 小時的 playlist
https://www.youtube.com/playlist?list=PLzDe9mOi1K8pxOxvVaCYQcTgl4jOOgc5c
內容包括整個 compulsory part 必修部分
已有一本免費下載全彩化學天書供大家下載

Economics 經濟︰我地有一個148小時的 playlist
https://www.youtube.com/playlist?list=PLzDe9mOi1K8o8H4_PAK1oLM_vhUpd0Xk9
Topic A - Basic Economics Concepts 基本經濟概念 (已完成︰共8小時29分38秒)
Topic B - Firms & Production 廠商與生產 (已完成︰共24小時18秒)
Topic C - Market & Price 市場與價格 (已完成︰共17小時52分37秒)
Topic D - Competition & Market structure 競爭與市場結構 (已完成︰共3小時57分29秒)
Topic E - Efficiency, Equity & the role of government 效率、公平和政府的角色 (已完成︰共13小時16分51秒)
Topic F - Measurement of Economic Performance 經濟表現的量度 (已完成︰共24小時31分4秒)
Topic G - National Income Determination & Price Level 國民收入決定及價格水平 (已完成︰共6小時5分11秒)
Topic H - Money & Banking 貨幣與銀行 (已完成︰共13小時6分23秒)
Topic I - Macroeconomic Problems & Policies 宏觀經濟問題和政策 (已完成︰共13小時5分57秒)
Topic J - International trade & finance 國際貿易和金融 (已完成︰共17小時57分48秒)
Elective 1 - Monopoly, price discrimination, anticompetitive practices 壟斷、價格分歧、反競爭行為 (已完成︰共3小時22分47秒)
Elective 2 - Production Possibilities Frontier, Consumption Possibilities Frontier, HDI 生產可能曲線、消費可能曲線、人類發展指數 (已完成︰共2小時46分39秒)
整個 playlist : 共 148 小時 32 分鐘 42 秒
DSE Economics 背 Definition (中英對照版) (溫書用:共2小時43分鐘49秒)

另有一個專門背 definition / key points 的 playlist
(中英對照版)  (純英版)  (純中版)

背 definition 的電子書 :
(中英對照版 - 230頁) (HK$19.90)
(純英文版 - 159頁) (HK$19.90)︰
(純中文版 - 159頁) (HK$19.90)︰

BAFS 企會財︰我地有一個 12.5 小時的 playlist
https://www.youtube.com/playlist?list=PLzDe9mOi1K8q6WZM1dAJdTNdLYVtsT6zX
內容包括 compulsory part 和 paper 2B
多年前拍攝,所以涉及的 pp demo 年份不多

中文︰我地有一個中文口試 - 集體拋橋的 playlist
https://www.youtube.com/playlist?list=PLzDe9mOi1K8pWQWoQ_Dkd2MvFAsyd6DOx

英文︰我地 English limited company
有一個 newspaper cutting 的 section

睇下大家啱唔啱睇
https://hermanutube.blogspot.com/2020/04/newspaper-cutting-main-page.html


希望我們的 playlist 可以幫助大家於 DSE 再上一層樓,加油﹗


Herman Yeung

連結 Link:   Herman Yeung 的其他 Blog

連結 Link:   Herman Yeung Blog 主目錄




2020年1月22日 星期三

2020年度文憑試5.2萬人報考創新低

呢兩日睇到新聞
今年 (2020年) 考 DSE 的人數再創新低

對於應屆的學生黎講應該係好消息
競爭又細左了,即係入大學的比率會愈來愈高
我搵翻我同牛牛考會考果年
原來有131,038人考,足足係2020年考生人數的兩倍幾
幾得意的數字,而呢個數字背後究竟有咩意思?
又或者咁講,競爭大與小是否真係從數字可以看到
如果大家隻眼係集中於升大學
無疑競爭係細左好多
但如果大家著眼於未來一生人的路上
其實只係將競爭推遲
到大家出黎做野時,您的對手不是您同期的同學
而係全世界做您相同行業的人類
佢地可以係不同年齡、不同國籍
只要在同一個行業就係競爭者
所以我記得我入中大時
中大PAC個教授話,因為經濟不景
今年入讀PAC的同學,係咁多年最好成績的一批
後來經濟都無好過
相同的教授勉勵我地,話今年職場的競爭係最大
您地呢班人雖然黑仔,但經歷過咁大的競爭後
相信日後的成就會贏曬早幾屆的師兄
(因為早幾屆經濟好
好多師兄只係攞下 grant loan 炒下股票已經搵到下食
畢業個境好,好易就會有人請,無需太過積極)
當然,最後我唔知是否如教授所估贏曬早幾屆的師兄
因為我都無做會計果行
但我都覺得我地果屆的人個心態係積極好多
而家呢個時代剛好倒轉
如果您肯讀自資大學學位的話
差唔多可以話乎合最低要求 (甚至唔符合) 都可以入到
但您地攞完著數後,
要記得,競爭只係推後左
無料的人始終都會被社會淘汰
所以大家應屆的同學
應趁著而家的好形勢 (考生少左)
好好把握,搶佔有利的位置 (搵翻個有前途的學系讀)
俾心機去經營,日後面臨世界的挑戰時不會不堪一擊
大家都睇到,世界在變
好多行業都不斷更替,
要善用時間學得更多,於變幻的世代中殺出一條血路
早一排我寫了一篇 MOOC 的 blog
內容大意係,而家好多大學的課程內容
其實可以於網上免費學到
大家可以從中得到更多的知識 upgrade 自己
而 YouTube 社群果邊有一個幾得意的回應
有位網友寫左以下的一個回應︰

"大家都知take MOOC好,起碼節省交通成本。
MOOC一個好重大的問題係認受性...有無機構,例如:us gov or 500強認受先?"

呢個可能係好多未出黎做野的人好 care 的一點
但如果您已經出左黎做野
認受性不在於您手上的證書
而係您真正做到出黎的產品係咩
有料的人可能係俾人打壓
無料的人亦可能靠 uncle, aunt 提攜一帆風順
但無料、無 uncle,只有證書的人於職場上都係無好下場
所以焦點係大家要識多D野
日後做出黎的 product 係有優勢時
市場自然會留有一席位給您
大家加油﹗

Herman Yeung

連結 Link:   Herman Yeung 的其他 Blog

連結 Link:   Herman Yeung Blog 主目錄








2020年1月18日 星期六

小事有感

近排,因為某些原因,
我同牛牛同一班小學的同學仔玩 IQ 題
我問為何母雞隻腳會特別短
佢地一班小學生搶住答
因為母雞無腳、
因為公雞隻腳長D、
因為母雞會啼、
好多無邏輯的答案過後
有人答到因為母雞要生蛋
無錯,答案就係因為母雞要生蛋
如果腳太長,生蛋會將蛋跌爆
我發現小學生答題目係無咩章法
但正正因為佢無咩章法
所以佢地好多時都可以撞得到個答案
我覺得人愈大,愈怕錯
好多同學會因為一個位唔明而癱瘓整個學習進程
其實好多速讀書的概念都係講
一本書如果想學得快
就係無論您明唔明都照去
您個腦會將唔明的位置慢慢於您睡眠時修復佢
呢個講法可以有少少抽象
但我做 physics 時,的確係用到呢個方法
我做 atomic world 時,坦白講
我都近乎無曬所有記憶
做的時間有D唔記得左,但照去
睇左一大堆題目或者網上的資料
會明翻之前唔明果D,亦開始 gather 到一套規則
最後可以條條都做到
呢個方法幾好用,所以想介紹俾大家
所以我1年後先會開始攻 biology
而家已經要將 syllabus 慢慢理解
希望可以有第一重的了解
過多1個月後,開始睇下 d sample paper 作第二重的了解
再過多1個月,可能打下相關的資料
1年後,起手攻的時間可以快速好多
所以建議同學於學一種新野
或者睇我地的片時
不要求自己明曬先去下一條片
好多時係累積睇題目的經驗後
慢慢您會發現有些端倪
之後就可能一次過明翻曬所有唔明的地方
而我們的 YouTube 片最好的地方係可以重睇
所以就算您最後睇左十幾條片都唔明,都唔會爆炸
您一樣可以重新睇過
但不要固步自封,好似小學生咁勇往直前。
牛牛問佢地,用咩抹窗最乾淨
佢地會答︰用屎、用泥、...
唔通佢地會覺得啱咩,但佢地會不斷嘗試,享受過程
但可惜學校係一個磨平稜角的地方
好快佢地會俾人鬧呢個唔啱、果個錯
問野多就會俾人話每事問
(p.s. 因為阿珊個姪就係咁,成日俾人話每事問 xd)
好快佢地會因為怕錯而唔肯試
好快佢地又會因為一個位 kick
就會停左佢的學習進程
其實教育改革係咪應該改善下呢樣野
不要太多批評,要多俾學生一個空間去發展
好多人對教育都抽曬水
話教育病左又剩,咁您地拋黎拋去都係屎坑橋
唔該抽水得黎,可以真係做翻D對症下藥的事

Herman Yeung

連結 Link:   Herman Yeung 的其他 Blog

連結 Link:   Herman Yeung Blog 主目錄





2020年1月12日 星期日

河內塔 與 梵天寺末日傳說 之謎



多年前拍的 "河內塔 與 梵天寺末日傳說 之謎"
裡面有 數學 M2 教的 Mathematical induction 數學歸納法
及 數學 Core 教的 Geometric Sequence 等比數列
大家有興趣可以看看 

Herman Yeung

連結 Link:   Herman Yeung 的其他 Blog

連結 Link:   Herman Yeung Blog 主目錄


2020年1月6日 星期一

咁大隻鴿乸隨街跳系列 之 保本投資存款

今天見到一則銀行廣告
保本投資存款,您可以 Tips 某些指數升定跌
再買一個數字入去
估錯可保本、估中可賺錢
聽落幾正呢,但其中的原理係咩呢
有賴我多年前讀過保險識少少
同大家分享一下箇中的玩法
點解估中可以賺錢、估錯都可以保本呢
為左簡單起見,以下例子的數字係老作的
不要太過介意當中的數字的大小

舉個例︰有一個人買相關產品 $100
銀行會先將呢 $100 的 $98 
買入一個好穩陣的投資 (例如債券),其年回報為 3%
一年後 $98*1.03 就會有 $100.94
將 $0.94 自己落格

之後再將 $2 ($100 - $98) 去用非常大的槓桿去買您所估的指數
如果您估中左,因為係非常大的槓桿
所以您得到您回報會係 $2 * (好大的回報率)
最後您得到的可能 $10 的回報 
(有賴非常大的槓桿,所以可賺 5倍)
而您最後收到 $110 的回報就會有如有 10% 的回報率
但問題係一個非常大的槓桿加埋要將蝕的銀碼封頂 (即輸盡都係 $2)
其實輸的概率係非常非常大

但銀行唔緊要呀,佢只係承諾保本
所以哪怕 $2 的出擊多數係 total loss
客戶都係無 say


咁可能有人問,同我自己將 $100 擺定期
之後將利息 $3 同人夾份買張六合彩有咩分別
一樣係保本,一樣係有好低機會賺好多的錢
兩者的分別在於 
前者被美化為投資、而後者被視為賭博
前者要被銀行 cap 左 $0.94,而後者被馬會 cap 左 另一個數字
前者銀行職員會報以一個微笑,
而後者馬會職員會叫您贏多d。
(但都係果句,切勿賭博)

結論就係,世界無免費午餐,
邊個咁大隻鴿乸隨街跳
俾心機讀書投資落自己度最實際

Herman Yeung

連結 Link:   Herman Yeung 的其他 Blog

連結 Link:   Herman Yeung Blog 主目錄




2020年1月3日 星期五

Google play 圖書 (化學天書)

早前 (2019年3月) 
牛牛設計左本 Chem (Compulsory Part) 的全彩筆記
Google Play 圖書下載連結︰ https://play.google.com/store/books/details?id=LwyMDwAAQBAJ
今天睇翻相關數據都幾開心



至今已有 2540 次下載 
(單計 Google book,未計經 blogger 直接下載的數字)
非常感謝大家支持,
我亦留意到有D同學毫無吝嗇留下評價



感謝您們
您們的鼓勵令我地更有動力去生產其他科目的全彩筆記
希望幾年後,這裡會有 Phy, Chem, Bio, M1, M2, Geo 的全彩筆記啦
其實早嚮我大學畢業無幾耐
我已經想出書,出咩書都無所謂但只係有這個目標
當時我亦上網 search 過,有些公司會幫人出書
但條件唔同,
有些大的出版社就一定唔會要我地未出過書的素人
但有一間係話,$20000,包設計及上架賣
賣到的2成為利潤
簡單條數就係您俾文字佢,佢幫您設計
幫您上架,假設您能賣出 1000 本
假設每本 $100,又賣得曬
$10萬的2成 (即 $20000) 就係您的收入
扣減翻本來的 $20000
您就無賺無蝕出到一本書可以於書局有得賣
我咁記得因為我本來都想加入呢個計劃
但剛畢業的我,錢未有、書的料未有
但到有的時間,果間公司就被踢爆係呃人的
再之後好多年,嚮英皇教育做補習
所有筆記都係黑白的,要出一本全彩的書或筆記
的確有一定程度的困難
及後發生左一件事令我同牛牛出左首4本彩色書
事緣係我轉職現代教育
因為當時現代教育的學費較英皇高
當時好多英皇的學生即使加左學費
仍願意就跟埋我地過現代教育
學生俾貴了,我們都要做翻多D野俾人
我地做左一系列的措施
包括臨考前出左一個四小時的 free course 
(這個概念後期發展出今日的一天衝刺課程)
每堂買野飲,同埋承諾臨考前出兩本彩色天書給他們
有了承諾就要開工,內容我同牛牛就絕對無問題
問題係要轉做彩色,
起初,我們聘用兼職設計師去做設計
可惜遇人不淑,被拖了好多的時間而最後沒有產品
於非常急的情況下,唯有找設計公司
對家知道我地趕,開天殺價
最後我地出左 4 本彩色天書
總代價係差唔多係我地最後一期補習課程係白做
經此一役後,我同牛牛痛定思痛
自己走左去學設計
我地報左一個 $240 學 24 小時的設計課程
(點解咁平?因為果緊係做 promotion course,只教皮毛)
我地兩人共用左 $480 究竟學左 d 咩?
我就了解左原來 AI, Photoshop, In-design 可以做到好多野
但點做我就唔記得了
但牛牛就由最皮毛開始,一路靠自己試試試
經過千錘百鍊,今天由牛牛經手的全彩天書
有數學天書A, B, C, D, E, F, G, Tips Class A, Tips Class B
M2 天書 A, B
仲有呢本化學天書
坦白講,如果這批天書要在外面設計
先唔講質素 (因為有時俾錢人賺都要睇人面色,做出黎的質素未必好)
先唔講佢會拖 (上次的經驗話我聽,設計師係一個好講心情的動物,佢玩心情可以玩死你)
如果外面做,可能係一個7位數字的費用
牛牛由 $240 的課程加一個數千元正版的 Program
就能做出 7 位數字的產品

我有時都覺得太勁了
而重點係,仲覺得識人好過識字的朋友
您先要有好多好多的錢
再加埋識人就可能會做到某些事
但識字的朋友,靠自己慢慢打造
可以製造出好大的價值而無人破壞 
呢個就係我同牛牛做左十幾年野的心得

Herman Yeung

連結 Link:   Herman Yeung 的其他 Blog

連結 Link:   Herman Yeung Blog 主目錄





2020年1月2日 星期四

大規模開放線上課堂 Massive Open Online Course (MOOC)

MOOC 呢隻字可能出現於西方多時
但我都係早兩年於書局第一次見到
之後有好多專欄、書都有講呢隻字
MOOC 的全寫係 Massive Open Online Course
大規模開放線上課堂
有別於傳統的授課模式
利用科技互聯網將課堂由 Private Goods 私用品
變成 Public Goods 共用品
Private Goods 的意思係愈多人使用同一件物品
每人得到的價值會下降
舉例說明,一間班房開的補習班
最多 45 人一齊上堂,您要迫多更多人入去
(假設教育署無因為消防條例查封)
無話唔得,但人數愈多,每人得到的價值會愈來愈低
但通過網上教學就可以打破這個框框
無論多少人睇,每個睇的人所得的價值都是不變
所以 MOOC 利用科技推廣教育係一條可行的路
而且係未來的大趨勢
知識提供的成本效益愈來愈大
今天我做 Phy 的 elective
有些 Theory 攪得唔係好清楚

我一上 YouTube 就可以睇到好幾個教授級的人
教翻相關的 Theory
從前想得到這些資訊
可能您剛好係那位教授的學生
又或者去圖書館慢慢搵各大教授的著作
今天,我只要花好少的時間已經做到
世界在變,香港的學生都不要固步自封
有時間就上互聯網學多D野
於這個知識氾濫的時代
好處係好容易學到好多知識
唔好的是無料的人好快會被社會淘汰
今天仲講緊如何答才能多一分少一分的朋友
您關心的的問題已經愈來愈唔入流
您的目標係要將自己變成有料的人
而不是將自己變成無料但攞到分的人
大家加油﹗ 

Herman Yeung

連結 Link:   Herman Yeung 的其他 Blog

連結 Link:   Herman Yeung Blog 主目錄