Herman Yeung Blog: 2月 2016

2016年2月25日星期四

BAFS - 從 online game 中學 Cost Accounting 成本會計

2016-02-25

最近玩緊一隻手機遊戲
當中可以用到好多會計知識
呢個 game 係一個模擬遊樂場的遊戲
裡面有好多不同的機動遊戲

每個機動遊戲只要有 "野人" 玩就會有收入

$88 就係 Sales 銷貨收入，當中會涉及一個入$48 的 Repair cost 維修費
Repair cost 維修費與 Sales 銷售同步上升
那麼 Repair cost 維修費就係 Cost of Goods Sold 銷貨成本
$88 減 $48 = $40 就係呢個機動遊戲的 Gross Profit 毛利
Gross Profit margin 毛利率 = ($40/$88)x100% = 45.5%

但呢個 game 有第二個方案

就係用 $20000 一天請一個 Technician 翻黎
佢收左你 $20000 後，就可以全日免費幫你 repair 維修
即係 Variable repair cost 可變維修費會是 0，
Gross Profit margin 毛利率會升至 100%
但係多左一項 Expense 費用
就係 Salary expense 薪金支出
呢項係 fixed cost 固定成本
無論 Sales 銷貨幾多，呢個成本 (以每天計) 都係唔會加

咁究竟方案 1 還是方案 2 好一點？
由於方案 1 的維修費係 variable cost 可變成本、
而方案 2 的維修員人工為 fixed cost 固定成本
所以決定哪個方案好一點就要睇你的 Sales 銷貨多少
如果一天的 Sales 為 $20000/(1 - 45.5%) = $36667 以上
方案 2 會好一點，相反方案 1 會好一點

呢個亦切合經濟中的 Economy of scale 經濟規模
公園規模大，可以增加 Net profit margin 淨利率
但當然，當中可能會涉及其他 management 管理問題
例如 Technician 維修員成日唔知行左去邊度吞卜的問題就另計。

Herman Yeung

圖片來源︰ Prehistoric Park 手機遊戲的 cap 圖

連結 Link: Herman Yeung 的其他 Blog

連結 Link: Herman Yeung Blog 主目錄

孫子算經之開方(23萬4567) (唔用計數機) 之手稿

YouTube: 孫子算經之開方(23萬4567) (唔用計數機)

Herman Yeung

連結 Link: Herman Yeung 的其他 blog

連結 Link: Herman Yeung Channel 主目錄

2016年2月24日星期三

財政預算案 2016/17 之提高免稅額

2016-02-24

剛公佈了 2016/2017 年的財政預算案
其中一部分係將基本免稅額由 120,000 升至 132,000
升左 12,000，即係 (以未婚人士計算)
月薪低過 $10526 者 (未扣 MPF)，由本來唔洗交稅變成唔洗交稅，無受惠
月薪由 $10526 ~ $11579 者 (未扣 MPF)，可節省 $0 ~ $240，
月薪由 $11579 ~ $15087 者(未扣 MPF)，可節省 $240 ~ $840，
月薪由 $15087 ~ $18597 者(未扣 MPF)，可節省 $840 ~ $1440，
月薪由 $18597 ~ $22105 者(未扣 MPF)，可節省 $1440 ~ $2040，
月薪由 $22105 以上者(未扣 MPF)，可節省 $2040。

已婚人士免稅額由 240,000 升至 264,000
升左 24,000，即係 (以已婚人士計算，其配偶為失業)
月薪低過 $21052 者 (未扣 MPF)，由本來唔洗交稅變成唔洗交稅，無受惠
月薪由 $21052 ~ $23158 者 (未扣 MPF)，可節省 $0 ~ $480，
月薪由 $23158 ~ $26667 者(未扣 MPF)，可節省 $480 ~ $1680，
月薪由 $26667 ~ $30175 者(未扣 MPF)，可節省 $1680 ~ $2880，
月薪由 $30175 ~ $33684 者(未扣 MPF)，可節省 $2880 ~ $4080，
月薪由 $33684 以上者(未扣 MPF)，可節省 $4080。

(** 人工的 5% 為 MPF 僱員供款是免稅的)

Herman Yeung

連結 Link: Herman Yeung 的其他 Blog

連結 Link: Herman Yeung Blog 主目錄

2016年2月22日星期一

問卷調查

2016-02-22

今日信箱收到地鐵公司做的問卷調查
內容係咩都無睇我就掉左
究竟"問卷調查" 係什麼一回事
從前讀大學時，我聽過呢個故事
好多年前，市場只有牛奶賣
沒有什麼 "高鈣" 唔 "高鈣"
有一間公司想引入高鈣奶
但當時香港的健康意識不高
知識水平普遍亦不足以理解那一種叫 "鈣" 的物質是什麼東西
所以推出這個高鈣奶的決定之前
那間公司決定做一個問卷調查
問題係，大家願唔願意多付 2 蚊去買一支牛奶加左鈣
結果係咩？當時的人會覺得你嚮牛奶度加雜質，
仲要屈多我 2 蚊
你係唔係當我傻架？
所以調查結果係推高鈣奶死路一條
但當時的決策者力排眾議
硬推呢個新產品，最終高鈣奶成功打低傳統奶
否則你而家超市仲會見到 "低鈣高脂奶" 賣
為何下場與調查結果咁唔同？
原因係佢推的時間，配合埋好大型的健康教育
令市民理解鈣的好處，提升產品於大眾心中的價值
所以佢最終成功
我教授講呢個故事係想講其實問卷調查的結果好多時都係老點
因為環境係會變，當中的變亦可以係人為
當未有人為的變之前做的調查，技術上係廢的
當時我地好奇怪一個 marketing 的教授否決 marketing research 的用途
不禁有同學問，即係 marketing research 沒有存在的價值？
我的教授的答案再一次震撼我地
佢話佢係好有價值
因為好多公司的決策者未必係公司的單一股東、
甚至根本唔係股東
(有些 CEO 只係打工，沒有股份)
所以佢的決策係會受到股東左右及問責
如果有一個新的 project 要推行時
CEO 有咩方法可以安全地推行
即係推衰左都唔洗上身呢？
答案就係搵專家意見
好似上面的例子，
決策者最終做的決定與調查結果背道而馳的情況其實好危險
萬一衰左，佢就難辭其咎
但相反，如果個 CEO 真係想推行一個計劃
又唔想孭飛，佢就可以找多幾間 marketing research 公司做調查
最終可能有一間的結果係同 CEO 的想法相同，
佢就嚮股東會公佈呢份報告
萬一衰左就話係俾份報告誤導，
鑊氣就可以推卸到 marketing 公司
所以 marketing 公司其實某程度係扮演替死鬼的角色
所以有時佢做調查前，會問埋個客想做到咩結果
佢就用 marketing 的知識將一堆數字粉飾做到想要的結果
故呢門生意仍然有得做
尤其而家有新商品條例
從前補習行業的宣傳字句係隨心所欲
什麼宇宙最強，萬物之神，你夠胆吹就出得街
但新商品條例下，所有公開講的字句都要 proof
"最" 字好多時都唔能夠出
除非你 prove 到你真係值得個 "最" 字
但誰有能力 prove？就係所謂的專家 (marketing 公司)
你要用呢方面的字句，必然要俾錢佢地賺
例如你想話自己最多人選報
你就要 paid 俾佢地，佢地就會買一堆 McDonald 卷
派俾一 d 受訪者，叫佢聲稱自己係報相關的導師
哪怕她是一個六十歲的阿婆
最緊要唔係佢係唔係學生，
最緊要係佢有牙可以食到 McDonald
所以結果任你定，你可以變成宇宙大王，只要你想及付款 paid
簡單來說，政府就係牽頭玩呢個把戲
要求沒有俾 marketing 公司賺過錢的，事實都不能講
有俾 marketing 公司賺的，老點都吹佢唔脹
從而另類式保護 marketing 呢個專業
但結果呢？結果就係慢慢呢D報告都欠缺公信力
我曾經睇過一本書，話外國相信呢類型廣告的人，
已經由從前九成幾跌至不足一成
而家人類的消費模式，
慢慢改為相信身邊認識的人之直接介紹
而不是廣告的吹噓
當然那個係外國的調查，
唔知香港的情況幾時會同外國一樣
到其時 marketing 中的 4P
Price, Product, Place, Promotion 中，
Promotion 的地位可能變得好低。

Herman Yeung

連結 Link: Herman Yeung 的其他 Blog

連結 Link: Herman Yeung Blog 主目錄

Herman Yeung BAFS 企會財課程 - Excel 教 Account 會計

Download link : Excel for Accounting demo

Herman Yeung 的其他 blog

#######################
(2021-01-08) 天命、宿命、使命
#######################

(2021-01-08) 天命、宿命、使命
(2020-10-30) Herman Yeung YouTube 平台 5 歲啦
(2020-10-29) 提升學習效率的方法
(2020-10-24) 同月同日生
(2020-10-15)  需求定律 (law of demand)、生產者物品 (producer goods)、消費者物品 (consumer goods) 和水魚者物品 (water fish goods)
(2020-10-11)  過度理由效應
(2020-10-11)  一則激X之X堂的評論令我花了一天時間執翻好個 blogger
(2020-10-9)  113400 的因數有多少個？
(2020-4-24)  Use "sin law" & (Maths - M2) "compounded angle formula" to prove "cos law" 利用正弦定理及複角公式 (數學 – M2) 證明餘弦定理
(2020-4-23)  In-centre 計算方法的 proof
(2020-3-4)  開徵銷售稅
(2020-1-23)  新年假期開始了
(2020-1-22)  2020年度文憑試5.2萬人報考創新低
(2020-1-18)  小事有感
(2020-1-12)  河內塔與梵天寺末日傳說之謎
(2020-1-6)  咁大隻鴿乸隨街跳系列之保本投資存款
(2020-1-3)  Google play 圖書 (化學天書)
(2020-1-2)  大規模開放線上課堂 Massive Open Online Course (MOOC)
(2019-12-30)  blogger 瀏覽量終於突破 150 萬了
(2019-12-30)  古文明系列之皮瑞·雷斯地圖 Piri Reis map
(2019-12-30)  波浪大師
(2019-12-28)  12月尾了
(2019-9-29)  突破左 3000 萬 views
(2019-8-15)  今日整理 econ 的 material 時有感
(2018-12-15) 我和西班牙語大戰300回
(2018-7-12) 蘇格拉底提倡的 "無知的知"
(2018-3-7) 不患寡而患不均
(2017-11-10) 高鈣奶
(2017-11-07) 吉祥物
(2017-08-18) Busy hands are happy hands
(2017-05-31) Domingo
(2017-03-20) 相信自己
(2017-03-19) Yo~~ 食粒糖吧﹗
(2017-02-25) 巧遇小朋友
(2017-01-08) 不要 on 框框
(2016-12-16) 天文數字
(2016-12-06) 魚菜共生系統
(2016-11-29) 窮爸爸、窮爸爸
(2016-11-20) 每年從床上跌下送院的小孩，是從樹上摔下送院的三倍
(2016-11-18) 11月中
(2016-11-13) 本能寺之變
(2016-11-06) 睇左一本關於未來產業預言的一本書
(2016-10-13) 葡萄牙恩里克王子
(2016-10-04) 奸商統計學
(2016-09-08) 水龍頭滴水問題有辦法
(2016-08-21) 學左西班牙語三個幾星期
(2016-07-26) 靴文珊珊開開心心自學緊西班牙語之筆記
(2016-07-24) The 5-Hour Rule
(2016-07-23) 西班牙語
(2016-07-22) 沙漏
(2016-07-06) 香港半日遊 - 香港歷史博物館 (2016年7月6日)
(2016-07-04) 鈺成其事之迷戀數學之計數果 part
(2016-07-03) 香港半日遊 - 山頂 (2016年7月3日)
(2016-07-02) YouTube 影片排行榜 (2016年7月2日)
(2016-07-01) 2016 DSE 放榜前夕
(2016-06-29) 吉爾布雷斯猜想 (Gilbreath's conjecture)
(2016-06-27) 紐康伯悖論
(2016-06-26) 手機放米缸
(2016-06-01) 發展 YouTube 教學剛好 8 個月
(2016-05-26) Teamwork 最強，最緊要係個 "勢"~~
(2016-05-24) 數學 IQ 題真係好多都好得意~
(2016-05-16) 萬年筆、化學、兩日芯
(2016-05-12) 花生過後有感
(2016-04-13) 試後禪
(2016-04-03) HKDSE Economics - Foreign exchange + interest rate 外幣兌換+息率
(2016-04-03) 數學遊戲 - 拍7
(2016-03-17) 官渡之戰
(2016-02-25) BAFS - Cost Accounting 成本會計之 online game
(2016-02-24) 財政預算案 2016/17 之提高免稅額
(2016-02-23) HKDSE 數學 (core) 考前必睇錦囊
(2016-02-22) 問卷調查
(2016-02-21) BAFS - Blue Chip 藍籌股
(2016-02-18) Customer relationship management 顧客關係管理 (CRM)
(2016-02-03) 地鐵飛
(2016-01-30) 香港公共政策創意獎勵計劃 (Outstanding Award)
(2016-01-30) 節日的意義
(2016-01-29) 日本央行：對商銀超額準備金推0.1%負利率
(2015-07-20) 漢代的餘數 (Remainder)
(2015-07-11) 次按危機
(2015-07-08) 索羅斯
(2014-09-08) 如何 check 人有無瞞稅
(2014-07-05) 得意的除數
(2014-07-03) 睇書
(2014-05-30) 上門補習
(2014-05-21) 減肥
(2014-05-14) 哥斯拉
(2013-11-21) 收視率
(2013-11-19) CFA
(2013-10-08) 倉頡
(2013-10-04) 多少個月(month) 有 5 個星期日 (sunday)
(2013-08-30) 人壽保險
(2013-08-29) 傳銷
(2013-08-14) 打風
(2013-06-30) 股票 vs 估票
(2013-05-09) 暑期工
(2013-01-20) 歷史循環
(2013-01-08) 日賣 3 千個包 ??!!
(2013-01-07) 失業率
(2013-01-02) 閏年
(2013-01-01) 默默耕耘難搵錢？
(2012-12-24) 超低概率大戰蟻多螻死象
(2012-12-05) 雅虎財經股神計劃
(2012-11-21) 少年愈快樂長大掙錢愈多與不快者收入差距可達7.8萬
(2012-11-20) 民調的誤導
(2012-11-20) 食朱古力愈多的國家，產生諾貝爾獎得主的機會愈大
(2012-11-14) 棒下出孝兒
(2012-11-13) 流星雨
(2012-08-31) 股價計算
(2012-08-23) 外幣兌換
(2012-08-16) 層壓式傳銷
(2012-08-14) 學生會
(2012-08-11) 點紅點綠
(2012-07-05) 月球 = UFO？
(2012-06-16) Game Theory 博奕論
(2012-06-12) 砌圖
(2011-03-28) 分期付款
(2011-03-10) 古文明智慧 - 金字塔之謎
(2011-03-03) A.S. & G.S. 等差數列與等比數列的生活應用
(2011-02-09) 賭錢 = 倒錢 (第一回)
(2011-02-09) 賭錢 = 倒錢 (第二回)
(2011-02-09) 賭錢 = 倒錢 (第三回)
(2011-01-04) 數學危機

Herman Yeung

連結 Link: Herman Yeung Blog 主目錄

學術問題之部分回應 (Maths (M2) - Integration 積分 - 22 Feb, 2016)

連結 Link: 學術問題之部分回應 (主頁)

連結 Link: Herman Yeung Blog 主目錄

2016年2月21日星期日

BAFS - Blue Chip 藍籌股

2016-02-21

BAFS 中有提及過 Blue Chip 藍籌股
香港共有 50 隻 Blue Chip 藍籌股，同時亦是指恆生指數成分股
當中包括

所謂恆生指數成分股，即係呢 50 隻股票的表現會用公式計算出一個指數
就係平時財經新聞報導的 "恆指"
佢地由於規模大，涵蓋行業廣泛，所以 "恆指" 升如同股市升，"恆指" 跌如同股市跌
當然，有時可能係細價股 (即股票市值較小) 股災
可能恆指未能反映其嚴重性，但一般 "恆指" 都有其指標性。

再之後的內容 BAFS 就唔會考，不過講下俾大家知多一D

呢個就係計算恆指的公式
當中的意思是想反映所有成分股的流通市值總額的變動
但當中會有 FAF 同 CF
FAF 係指如果有任何單一實體持有某一隻股票超過 5% 的股份時
那些股份便不當作市場流通，會扣減翻出黎
例如長和的 FAF 為70%，即係當中有 30% 的股份係由一個或多個，
而每個實體皆持有你超過 5% 的股份

另一個叫 CF 亦於公式中出現，
呢個係指如果 50 隻成分股，有某一、兩隻的市值好大
壟斷了指數的表現時，恆指就未能公平反映香港的情況
因為那一、兩間壟斷的公司可能係由於公司自己的內部問題而升跌
與香港經濟的表現無關
所以佢要求每隻成分股佔整個指數的比例不能太高

以上就係比重上限。

雖然有左以上兩個數學技巧去優化恆生指數的計算模式
但今天的恆指，其實與香港的經濟已經愈來愈脫勾
因為成份股係會不時更新，可加可減
今天的成份股其實已經好多唔係香港業務的公司
你見到中移動、中石油、騰訊之類
主要業務都係大陸市場，其股價表現與香港可謂關係性不大
所以恆指反映香港經濟的情況改變了
從前係香港經濟差、恆指跌
今天係恆指跌、香港人輸錢、而令香港無人消費投資、最後香港經濟差
因果關係倒轉了。

(資料來源 : http://www.hsi.com.hk/HSI-Net/HSI-Net )

Herman Yeung

連結 Link: Herman Yeung 的其他 Blog

連結 Link: Herman Yeung Blog 主目錄

BAFS - 槓桿比例 (leverage ratio)

做緊 BAFS (Elective Part) 筆記的確唔少野要讀，但好多都係好生活化。例如當中有讀到 leverage ratio 槓桿比例以公司為例就有 debt ratio = total debt / total asset
ratio 愈高，公司就愈危險其實呢個 leverage ratio 槓桿比例亦可用於形容投資股票而家買股票可以唔係全部係自己資本呢個買法叫 "孖展"，即係英文的 "margin" 讀音叫過黎
簡單一句，你可能有 $1，但買到值 $4 的股票
(即係有 $3 係借的)，你的買法就叫槓桿4倍
因為你買左 $4 的股票時，如果股價升 10%
即係變成 $4.4，如果你即時賣左，還翻本來的 $3 (當無利息)
你就可以 $1 變 $1.4，即係升左 40%
比起佢原本的 10% 多左 4 倍，亦即係槓桿4倍
但係相反，股價係跌 25%，即係 $4 變 $3
你果陣賣就得 $3，還埋錢就係 $0
即係你的損失亦係 4 倍 (由 25% 變成 100%)
如果再大獲d，跌左 30%，即係 $4 變 $2.8
你就賣左都唔夠還錢，即係負資產
所以公司槓桿高、同炒股票槓桿高都係好危險。
但槓桿極高的樓宇市場大家就好似習以為常
香港地買樓就大多數有按揭
一般買樓都會做 7 成按揭
但新樓係可以做到 9 成、甚至 9 成半按揭
如果以 9 成半按揭為例
即係 $5 本，買 $100 貨，槓桿 20 倍
升會快 20 倍，所以不時都會聽到有人炒樓至富
樓價升 3 成，相當於佢升 30%x20 = 6倍
所以差唔多就會有報紙虛擬一個人物
聲稱佢用以上的方法 6倍又6倍、6倍又6倍
幾萬起家、炒炒下就身家過億
但有幾多係演員、幾多係炒家就真係得佢地先知
而且通常呢d少年英雄，出完報紙之後就永久潛水
所以我都係講下下跌的情況會實際d
如果槓桿20倍，就即係樓價跌超過5%，你的物業就係負資產
負資產的情況，銀行有機會要業主補差價
否則會用你的物業以銀主盤形式賤賣
差價會變成你的私人債務
所以買樓同孖展炒股票相比，其實風險更高
因為斷估你持有的物業價值會比你買的股票價值高
槓桿大、價值高，的確係一個好高風險的投資
當然，俗語有云︰成功靠父幹，
如果你老豆有個大水塘 backup 你就除外。

上一頁

2016年2月18日星期四

Customer relationship management 顧客關係管理 (CRM)

Customer relationship management 顧客關係管理 (CRM)
呢個詞語我第一次接觸係大學二年班
讀 marketing 時聽我教授講
唔知係唔係果時首創，但的確銀行嚮果時開始
業務有一個好大的改變
從前，銀行業係一個利息收入為主的行業
佢用一個低息率吸納存款
再用一個高息率放貸
其差價就係銀行的收入
所以當時的樓按息率係 pi 加若干厘

但自大約我大學畢業時
銀行的生意重心改變左
佢發現有其他非利息收入
主要係通過自己銀行的 database 聯絡自己的客戶
推銷保險或投資產品圖利
由於銀行知道自己邊個客戶有大把錢
比起保險業 cold call，佢地的確命中率中好多

亦由當時開始，客戶資料變得值錢
愈多客戶就有愈多的推銷機會
所以樓按的息率都開始下降
由 pi 加若干厘變 pi 減若干厘
吸納大批新客戶後就可以開始推銷產品
你諗下放數有機會有壞脹的風險
但係推銷保險或投資產品只係賺佣金
無風險又好賺好多
所以一段時間後，銀行的非利息收入變成主力

利用自己的客戶 database 推銷自己直屬產品後
佢地亦開始利用客戶的消費紀錄分析客戶的消費 preference
可以將相關的產品更命中的推銷
從而收取一個高昂的廣告費
舉例︰你的信用咭曾經嚮旅行社簽過脹
佢就可以向您推銷其他旅遊產品
相比隨街找一個人推銷
你會比較有機會買新推銷的產品

而另一個推銷的方法就係利用自己手上有大量客戶的優勢
要求商戶給予一個額外的優惠給自己的客戶
令自己的信用咭可以變得更吸引，互利互惠

圖片來源︰恆生銀行網頁
(上面的 EDM (Email Direct Marketing) 就係其中一種)

所有以上的新商機就係
Customer relationship management 顧客關係管理 (CRM)
所有野都好似好順利
銀行亦好似半放棄利息收入的生意
放數的利率愈黎愈低以搶更多客戶資料
但好景不常，一次雷曼事件改變得好大

雷曼債券就係 Customer relationship management 顧客關係管理 (CRM)
新模式下的其中一個產物
銀行對自己的客戶推銷一種由雷曼推出的投資產品
但沒有披露當中風險，所以最後以為自己買左債券的客戶
實際上買左一個好高風險的投資產品
最後唔少都損失九成幾的投資金額
但雷曼債券爆煲後，大家都對銀行的產品存有戒心
銀行直接推銷的產品吸引力大減直接令非利息收入大減

所以我覺得 Customer relationship management 顧客關係管理 (CRM)
係要一個擁有好商譽的機構，得到客戶真心的信任
推銷真正的良好的產品，做到真正的互利互惠才是王道。

Herman Yeung

連結 Link: Herman Yeung 的其他 Blog

連結 Link: Herman Yeung Blog 主目錄

2016年2月15日星期一

Herman Yeung BAFS 企會財課程

Download link :   BAFS Compulsory part Note

Click here : Herman Yeung BAFS 企會財課程 - Excel 教 Account 會計

Blog link :
(1)   顧客關係管理 Customer relationship management (CRM)
(2)   槓桿比例 Leverage ratio
(3) 藍籌股 Blue Chip
(4) BAFS - 從 online game 中學 Cost Accounting 成本會計

連結 Link: 數學天書訂購表格及方法

連結 Link: Herman Yeung Blog 主目錄